Сомонаи ноҳияи Исмоили Сомонии шаҳри Душанбе
МАҚОМОТИ ИҶРОИЯИ МАҲАЛИИ ҲОКИМИЯТИ ДАВЛАТИИ НОҲИЯИ ИСМОИЛИ СОМОНИИ ШАҲРИ ДУШАНБЕ
(+992 37) 221-06-34

Блог


Архив за June, 2018

ТАҶЛИЛИ РӮЗИ ВАҲДАТИ МИЛЛӢ

ТАҶЛИЛИ РӮЗИ ВАҲДАТИ МИЛЛӢ

Санаи 27 июни соли равон дар Амфитеатри БОҒИ ФАРҲАНГӢ – ФАРОҒАТИИ БА НОМИ САДРИДДИН АЙНӢ – и ноҳияи Исмоили Сомонии шаҳри Душанбе бо ибтикори мақомоти иҷроияи ҳокимияти давлатии ноҳияи Исмоили Сомонӣ чорабинӣ бахшида ба “Рӯзи Ваҳдати миллӣ” баргузор гардид.
Чорабинии идона бо садо додани Суруди миллии Ҷумҳурии Тоҷикистон оғоз шуд ва сипас муовини Раиси шаҳри Душанбе Раҳимзода Толиб Карим кулли сокинони ноҳияи Исмоили Сомониро бо Рӯзи Ваҳдати миллӣ табрик гуфт.
Зимни суханронӣ Раҳимзода Толиб Карим – муовини Раиси шаҳри Душанбе табрикоти Раиси шаҳри Душанбе муҳтарам Рустами Эмомалӣ, ба сокинони пойтахти кишвари соҳибистиқлоламон ва меҳмононро ба муносибати “Рӯзи Ваҳдати миллӣ” табрик гуфтанд.

Самӣ Шариф, Раиси ноҳияи Исмоили Сомонӣ зимни суханронии худ изҳор дошт, ки Рӯзи Ваҳдати миллӣ ба иди умумихалқӣ табдил ёфта, ҳар сол бо ибтикори Асосгузори сулҳу ваҳдати миллӣ, Пешвои миллат Президенти Ҷумҳурии Тоҷикистон муҳтарам Эмомалӣ Раҳмон дар ин ё он минтақаи Тоҷикистон баргузор шуда истодааст. Имрӯз чорабинии идонаи ҷумҳуриявӣ бахшида Рӯзи Ваҳдати миллӣ дар шаҳри Конибодом бо иштироки Асосгузори сулҳу Ваҳдати миллӣ, Пешвои миллат, мӯҳтарам Эмомалӣ Раҳмон ва намояндагони тамоми минтақаҳои ҷумҳурӣ баргузор шуда истодааст.

Дар фарҷоми барномаи пурмӯҳтавои фарҳангӣ – ҳунарӣ ба аҳли иштирокдорон тақдим гардид, ки аз васфи диёри азизамон – Тоҷикистони соҳибистиқлол, сулҳу ваҳдат, меҳру муҳаббат ва ҳамгироӣ саршор буд.

Конфронси илмӣ – назариявӣ: “ВАҲДАТУ ЯГОНАГӢ ОМИЛИ РУШДИ СУБОТУ СОЗАНДАГӢ ДАР ҶОМЕА”

Санаи 26 – уми июн бо ташаббуси мақомоти иҷроияи ҳокимияти давлатии ноҳияи Исмоили Сомонии шаҳри Душанбе дар доираи нақшаи чорабиниҳо ва дар ин замина иҷрои Қарори Раиси ноҳияи Исмоили Сомонӣ аз 18 июни соли 2018 № 184 бахшида ба ҷашни 21-солагии Рӯзи Ваҳдати миллӣ дар толори маҷлисгоҳи мақомоти иҷроияи ҳокимияти давлатии ноҳия Конференсияи илмӣ-назариявӣ дар мавзӯи “ВАҲДАТУ ЯГОНАГӢ ОМИЛИ РУШДИ СУБОТУ СОЗАНДАГӢ ДАР ҶОМЕА” баргузор гардид.
Дар кори Конференсия муовини Раиси ноҳияи Исмоили Сомонӣ – Табарова Мавҷуда, аъзои Шӯрои куҳансолони ҳаракати Ваҳдати миллӣ – Пирумшоев Ҳайдаршо, раиси суди ноҳияи Исмоили Сомонӣ – Сангинзода Ғайрат, нависандаи халқии Тоҷикистон – Кароматулло Мирзоев, мудири шуъбаи “Раёсати кумитаи давлатии амнияти миллии Ҷумҳурии Тоҷикистон” дар ноҳияи Исмоили Сомонӣ – Мирзоев Одилҷон ва масъулини сохторҳои ноҳиявӣ ва намояндагони васоити ахбори омма ширкат варзиданд.
Масъулини мақомоти иҷроияи ҳокимияти давлатии ноҳияи Исмоили Сомонии шаҳри Душанбе ҳадаф аз баргузор намудани Конференсияи илмӣ-назариявиро дар рӯҳияи инсондӯстӣ, ифтихори ватандорӣ, эҳтиром ба арзишҳои миллӣ, умумибашарӣ ва аз ҷониби онҳо дуруст аз худ намудани таърихи гузаштаву ҳозираи халқи хеш, эҳтироми фарҳанг ва муқаддасоти давлатӣ маънидод намуданд.
Дар ҳақиқат доир намудани амсоли ин гуна чорабиниҳо дар замири насли наврас ҳисси миллӣ, эҳсоси гарми ватандӯстиву ватандорӣ, ифтихор аз созандагӣ, эҳтиром ба рамзҳои давлативу муқаддасоти миллиро афзун намуда, барои пойдориву густариши ваҳдати миллӣ мусоидат менамояд.
Дар фарҷоми Конференсия миёни маърӯзачиён ва иштирокдорон мубодилаи афкор сурат гирифт.

Сохта ба истифода дода шудани 12 майдончаи варзишӣ дар ноҳияи Исмоили Сомонии шаҳри Душанбе дар соли 2018

Мақомоти иҷроияи ҳокимияти давлатии ноҳияи Исмоили Сомонии шаҳри Душанбе дар асоси дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва ташаббусҳои ободкоронаи раиси шаҳри Душанбе, муҳтарам Рустами Эмомалӣ ҷиҳати ободу зеботар гардонидани пойтахти мамлакат – шаҳри Душанбе, баҳри иҷрои фармоиши Ҳукумати Ҷумҳурии Тоҷикистон аз 10 ноябри соли 2017, № 74-ф оид ба сохтмон ва бунёди майдончаи варзишӣ, дар ҳамкорӣ бо сохторҳои Ҳукумати Ҷумҳурии Тоҷикистон, 12 майдончаи варзишӣ пеш аз муҳлат дар ноҳияи Исмоили Сомонӣ сохта ба истифода дода шуд.
Ҳамчунин, дар назди майдончаҳои варзишӣ, макони бозии кӯдакон бунёд гардидааст, ки дар он барои бозиву вақтхушии кӯдакон шароити зарурӣ фароҳам оварда шудааст. Инчунин дар қисмати дигари майдончаҳои варзишӣ барои сокинон мавзеи истироҳату фароғат бунёд ёфтааст. Истиқоматкунандагони ноҳияи Исмоили Сомонии шаҳри Душанбе иншоотҳои мазкурро аз ҷониби шаҳрдорӣ ҳамчун ҳадяи беҳтарин маънидод карданд.
Ин тадбир дар оммавӣ гардонидани варзиш ва таблиғи тарзи ҳаёти солим миёни сокинони шаҳр, махсусан наврасону ҷавонон саҳми беандоза дорад.

Страница 1 из 5 12345